Andiko: Yeremia 4:4: “Jitahirini nafsi zenu kwa Bwana, mkaziondoe govi za mioyo yenu.”

Ninaomba maisha yenu yajazwe upendo na baraka za Mungu. Sasa ningependa kushiriki nanyi neema kupitia ujumbe wenye kichwa “Kwa Nini Tunatofautiana?” Baadhi ya waumini husema mioyo yao huguswa na machozi huwatoka wanapofikiria tu maneno “upendo wa Mungu.”

Lakini wengine hufadhaika na kusema, “Kwa nini siuhisi upendo wa Mungu kwa nguvu na kwa kiwango hicho?” Waumini wengi hukiri kwamba wanampenda Mungu, lakini hisia zao kuhusu upendo wake hutofautiana kulingana na kiasi ambacho kila mmoja amejitahidi kuondoa uovu. Unapotenda Neno la Mungu na kuondoa uovu moyoni mwako, unaweza kuepuka kudumaa katika imani na kuhisi upendo wa kina wa Mungu.

Ndiyo maana jambo muhimu zaidi katika maisha yako ya Kikristo ni kuutahiri moyo wako. Kutahiri moyo kunamaanisha kuondoa “magovi ya moyo,” kama ilivyoandikwa katika Yeremia 4:4: “Jitahirini nafsi zenu kwa Bwana, mkaziondoe govi za mioyo yenu.”

Ili kuondoa magovi ya moyo, unapaswa kutofautisha mema na mabaya kwa kutumia Neno la Mungu. Kisha uondoe uovu kwa bidii na kujenga wema wa kiroho ndani yako. Baadhi ya waumini huhudhuria mikutano ya imani kwa ukawaida, kulitumikia kanisa kwa uaminifu na kuishi maisha ya Kikristo, lakini baadaye hupoteza neema, humwacha Mungu na kurudia maisha ya dunia. Hii ni kwa sababu hawajautahiri mioyo yao. Kwa kuwa hawajaondoa uovu moyoni, majaribu yanapowajia hawawezi kuyashinda.

Kwa hiyo, utapokea neema na nguvu za Mungu tu unapolisikiliza Neno lake kwa bidii, kulifanya chakula cha kiroho na kulitenda. Mithali 8:17 inasema, “Nawapenda wale wanipendao, na wale wanitafutao kwa bidii wataniona.” Kadiri unavyoondoa uovu, ndivyo neema kuu zaidi ya Mungu itakavyokujia. Baraka za Mungu zitafurika maishani mwako na moyo wako utawaka kwa bidii ya kutimiza kazi ya Ufalme wa Mungu.

Kisha, hutajali majaribu na mateso yoyote, na matunda unayozaa hayatadondoka kamwe. Unapojaribu kuwasha moto juu ya kuni zilizorundikwa, mwanzoni huhitaji juhudi na muda mwingi; lakini ukishawaka, unaweza kuteketeza hata magogo mabichi na yaliyolowa kwa miali yenye nguvu.

Katika kanisa la kwanza, watu wengi waliongozwa kanisani na moto wa kazi kuu ya Roho Mtakatifu, na idadi ya waliookolewa iliongezeka kila siku. Vivyo hivyo, ninaomba katika jina la Bwana wetu Yesu Kristo kwamba kila nafsi inayokujia iteketezwe na moto wa Roho Mtakatifu na kujazwa upendo wa Mungu.

    His Emeritus Bishop Dr. Jaerock Lee